Версия для печати

глава IV

Дур ботIрода бугеб бухари тIагъур
«Лезгинкаялъ» лъечIеб
лъалеб нилъеда.
Лъиего дуца гьеб тIаса бахъичIо,
ГIаб Дагъистаналъе, мугIрузе гуреб.
Дуца арендалъе цо анкьалъгIаги
Араб гIолохъанлъи
щай дий кьолареб?
Сберкассаялда гIарац лъечIого,
Дол гIащикъал сонал
щай дица лъечIел?
Дир жахIда гьечIо дур
бахIарал соналъ,
Дунги гьоркьов течIо
гьелъул бухIиялъ.
Рокьул АхIулгохIтIе
МахIмудил мурид,
Дицаги ахIана «Аве Мария».
Йохъ, дир дагIба гьечIо
гьеб дур тахида.
Дунги гъоб аххада гIурав вукIинчIо.
Литинституталъул мадрасаялъул
МутIагIилас - дица тирана гIалам.
Лъеберго сон бана Кремлиялда,
Киб къилба бугебан
лъаларел гьундухъ.
Верхсоветалдаги талихI гьечIилан,
Дица тел битIана ПатIиматихъе.
Прочитано 1615 раз